E silia ma le 800 afe le vaegatupe ua feta’ua’ina na gaoia e se alii mai Vitoria lea ua molia ai nei i mataupu tau soligatulafono i luga o upega tafailagi i Vitoria.
Faamatala e leoleo o faiga a le tagata lea ua feta’ua’ina e agai atu tagata i ana upega tafailagi e lē moni, fake websites o loo ofoina ai ni avanoa e inivesi ai tupe a tagata.
O le vaiaso nei ua faia ai sailiga a leoleo i se fale i Arlington St i se nofoaga e lata i Geelong.
Na pue ai ma se tamā lea e 63 tausaga ma molia i moliaga e lima o le maua o ni mea i se auala taufaasese atoa ai ma isi moliaga faasolitulafono.
Na toe tatala i tua faatoa toe tulai i le faamasinoga i Melepone i le aso 25 o Setema.
