Faauuina alii a’oa’o e to’a 28 o le kolisi faafaifeau a Malua

O le a amatalia i le tausaga fou se polokalame taua ale Kolisi Faafaifeau a Malua e sailia ai faailoga o le Masters of Theology ma ua faamanuiaina ai alii a’oa’o e toatolu o lea kolisi faafaifeau. 

O le uluai taimi foi lea o le a amata ai lea polokalame i le kolisi faafaifeau talu ona pasia i le fonotele i le tausaga e 2016. Na faailoa lea vaega taua i le faauuga a’oa’o e to’a 28 a le Kolisi Faafaifeau a le Ekalesia Faapotopotoga Kerisiano Samoa mo lenei tausaga ua lamalama faaiu ana galuega ina ua maea ma ausia le 4 tausaga na aaoga ai. 

O le toa 28 lea ua aofia ai nisi o aoaoga na aooga faasikolasipi mai le atunuu o Kiripati ma Tokelau na maua o latou tusipasi ma faailoga i mataupu silisili ma suesuega o le Tusi Paia. 

I le ripoti a le alii pule o le Kolisi Faafaifeau le afioga ia Dr. Vaitusi Nofoaiga na ia faailoa ai tulaga o le agavaa o a’oa’o ua faauu nei “Tausaga faaiu aso, e to’a 29 le aofai o aoao i le amataga o le tausaga, toalua a’oa’o sikolasipi mai Kiripati, toatasi le a’oa’o sikolasipi mai Tokelau, toatasi le a’oa’o na tuuina mai tua ma le Kolisi ona o tulaga tau amio. To’a 17 ua fai o latou taitoalua ma le to’a 11 e le’i faia ni aiga. E to’a 10 a’oa’o o le a faauuina i le faailoga tauoloa o le Bachelor of Divinity with Honours, to’a 17  le Bachelor of Theology ma le toatasi o le Diploma of Theology.” 

Na molimauina e aiga ma uo o a’oa’o na faauuina lea faamoemoe taua na faataunuuina i le faaiuga o le vaiaso. 

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required