O avetaavale e faamaonia solitulafono pe a sosola ese ma leoleo e ono aveese motu mai a latou taavale ma latou i lalo o se tulafono fou ua faalauiloa nei i le Palemene.
O le Land Transport Road Safety Amendment Bill i le aoauli ananafi ma o le a faataga ai leoleo latou te aveese mai taavale mo se umi e oo atu i le 6 masina pe afai e le tu ane i leoleo.
Afai la ae molia le avetaavale mulimuli ane e iai le malosiaga o le faamasinoga e faatonu ai le aveese atoa loa o le taavale.
O i latou foi e soli soo le tulafono e ono faaleaogaina ai foi ma o latou laisene avetaavale e oo atu i le lua tausaga.
O avetaavale foi e le tuuina ane faamatalaga i leoleo e faatatau i ni avetaavale ua sosola ese ma leoleo e ono aveina foi a latou taavale ia alofia ai le iai o se faamata’u mai lea mataupu.
Ua ta’ua e le minisita o faamasinoga Kiri Allan o avetaavale e soona alu ma lamatia ai soifua o le lautele, e tatau lava ona ave i le tulafono.
O loo iai le faamoemoe o le malo e pasia le tulafono fou lea ae lei oo mai le faigapalota ia Oketopa.
Comments
Loading comments…