Search
Photo Credit: Stuff

Faatusa le faafitauli o nofoaafi poo trains a Aukilani i taimi anamua, e oge i puna’oa

O le faaletonu o auaunaga o nofoaafi a Aukilani ua pei ai Aukilani o se tasi o aai e oge i puna’oa, ma o loo ola e pei o taimi o anamua e mativa.

E tusa ma le 7 itula o aafia feoaiga o trains ananafi i le tele o vaega o le aai ma lē mautonu ai le toatele e faamoemoe i lenei auala o femalagaa’iga mo aoga, galuega ma le tele o fuafuaga.

Ua fai mai ai le sui pulenuu ia Desley Simpson, e lē toe faatuatuaina e tagata Aukilani nofoaafi ma ua ia faatusa ai ua pei ua toe ola Aukilani i aso anamua.

O le leai o ni trains na feoai ananafi na mafua lea ina ua faaletonu le auala train e latalata i Middlemore, ma e tusa o le ‘afa o le fitu i le taeao lea na tupu ai ae oo ane lava i le afiafi ananafi o faatuai ma faalēaogā nisi o malaga faatulagaina.

E ese mai i le tuta’ia o feoa’iga a trains ananafi i Aukilani o lea lava foi ua lua vaiaso o sui taimi o faigamalaga a o faia ai tetee a itu e lua e patino iai feoaiga a trains.

Mai le sui pulenuu, ua tatau i le Auckland One Rail, Auckland Transport ma le Kiwirail ona galulue faatasi e foia lea faafitauli.

Puna o Faamatalaga: http://Auckland train disruptions: Strikes, track issues slammed as third-world by deputy mayor – NZ Herald

Tala sili ona faitaulia

SAMOA UPDATE

PODCASTS

Listen on

TALA FOU MAI SAMOA

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required