Ua matauina e le Matagaluega o leoleo le siitia o le fainumera o tagata o loo soli le tulafono e ala i le faaaogaina o fualaau faasaina le aisa poo le meth i totonu o le atunuu.
E afua lea manatu ina ua faia ni osofaiga a le Matagaluega i totonu o le masina e tasi ae maua ai mai fale eseese e tolu le tele o nei falai ma vailaau faasaina e le gata i lea o nisi o masini komepiuta, o laau malosi poo faga e lē faataga i totonu o le atunuu ma e lē laiseneina foi ma le faitau selau o seleni na iai.
O se isi foi osofaiga a leoleo i le Aso Tofi i Faatoia ma maua ai nisi foi o meatotino ma fualaau faasaina e aofia ai se tino i tupe e $5000 tala, o masini tekonolosi e pei o Tablets, o plate number o taavale e lē faatulafonoina poo fake plate numbers, faapea foi laau mariuana e oo atu ma le .57 kala ma le mamafa faapea flash drives ma harddrive sa maua uma ai.
E to’a lua i laua na taofia mai i lea osofaiga ma o loo i lalo nei o le vaavaaiga a leoleo.
E pei ona silafia o le vaiaso na tea nei na alu ai se osofaiga i Nuu fou i le fale o le Sui Komesina o Faigapalota ia Afualo Daryl Mapu ma maua ai le tele o fualaau ma vailaau faasaina.
O le popolega o le Matagaluega pe e fia nisi o tagata faigaluega maualuluga a le Mālō o loo faia foi lenei gaioiga faasolitulafono ma e tatau ona faaititia le tulai mai o nei soligatulafono i le atunuu aemaise o vaega e aofia ai fualaau ma laau faasaina.
