Toomata Norah Leota & Fonotoe Nuafesili Pierre Lauofo Meredith
Toomata Norah Leota & Fonotoe Nuafesili Pierre Lauofo Meredith

Faatumauina le tofi faipule o Fonotoe mo Anoamaa No.2

O le itula e 1 i le aoauli nei (taimi Samoa) lea na faamautinoa mai ai le faaauau lea o le tofi faipule o le afioga Fonotoe Pierre Lauofo Meredith mo Anoamaa No.2 ina ua maea le la mataupu ma le sui tauva o le Faatuatua i le Atua Samoa ua Tasi le afioga ia Toomata Norah Leota.

O lenei mtaupu ua leva ona finau i luma o le faamasinoga ma e tele foi nisi o faafitauli na tulai mai ai e ala i le tau sailia o moliau sa tatau ona tulai i lea mataupu.

Taua e Fonotoe i fafo ane o le potu faamasino “e lagona le agaga fiafia ona ua i’u manuia le faamoemoe”.

Mo le afioga ia Toomata o le iuga o le faamasinoga na tuuina mai e faamaonia le moliaga e tasi na faia faasaga ia te ia e ala lea i le faalauiloa a le FAST (roadshow) lea na faia i afioga o Solosolo i le masina o Mati ma na taua e Toomata “oute talia soo se faaiuga e tuuina mai, oute talia ma le agaga faamaualalo lenei faaiuga, ia o le mea foi mai i le Atua e to’afilemu ai foi lo matou itumalo.

Na faafetaia ai foi e Toomata ona aiga mo le lagolago talu mai le amataga o le mataupu.

Ae mo nisi mataupu o tagi o le faigapalota na faagasolo foi i le aoauli nei e aofia ai le mataupu i le va o Laufou Alofipo Manase ma Tuala Tevaga Iosefo Ponifasio o Gagaemauga No.1.

O lea ua tuuina atu le talosaga a le Loia o loo tulai mo Tuala ina ia faaaoga le maliega ua maea ona fausia ma sainia lea e faaauau le tofi a Tuala e pei ona iai le valaauga i le vaiaso na tea nei.

O le Aso Lulu o le vaiaso fou 28 o Iulai o le a toe valaau ai lea mataupu ona e tatau ona tuu atu se tali a le Loia o loo tulai mo Laufou i lea talosaga.

Share on facebook
Share on twitter
Share on email
Share on whatsapp

LAUILOA

Keep uptodate with Radio Samoa activity & promotion

* indicates required