O tau o suauu ma penisini i Samoa i le masina fou lenei o Me ua faaauau ai tau sa faailoa e le matagaluega o tupe a le Malo i le masina o Aperila.
O lona uiga ua leai se suiga ae tumau pea, e pei o le penisini e 3.34 sene i le lita, o le suauu kiso e 3.30 sene i le lita ma le kalasini e 2.87 sene i le lita.
Ua faaalia e le tamaitai Minisita o Tupe le afioga Mulipola Anarosa Ale Molioo i se pepa o faamatalaga faalauaitele o atunuu e pei o Niu Sila, Ausetalia ma Fiti o loo maualuga ai le tau o nei oloa pe a faatusatusa i tau o suauu ma penisini i Samoa.
O loo faailoa e le Minisita i le pepa o faamatalaga tau a ia atunuu e pei o Niu Sila o le tau o le penisini i le taimi nei e 2.61 sene tupe Niu Sila a tuu mai i le tala Samoa e 4.67 sene i le lita, o Ausetalia e 1.67 sene tupe Ausetalia i le lita poo le 3.39 sene tupe Samoa.
O Fiti e 2.74 sene I le lita tupe Fiti poo le 4.82 sene tupe Samoa.
