O lea ua faamautu mai le aso o le a toe faaauau ai i le faamasinoga le mataupu a le tina mai Korea i Saute lea na tuua’ia i le fasiotia o lana fanau e toalua ma tuuina o la tino i atopau, ua faailoa mai o Setema o le tausaga fou o le a faato’ā toe valaauina ai.
O le amataga o le masina na te’a nei na fuafua e faataunuu ai peitai na toe tolopo ona o nisi o mafuaaga ma o le taeao la analeila i le Faamasinoga Maualuga i Aukilani na faamaonia ai e le faamasino o Matthew Downs le isi aso fou ua faatulaga iai le faamasinoga o le tina lea o Hakyung Lee.
O le aso 8 o Setema 2025 lea ua toe suia agai iai ae ua ono ai lenei o tausaga e talitonuina talu ona maliliu tamaiti, o le isi e 6 tausaga le matua ma le isi e 8 tausaga le matua, ae ua tausaga ma le ‘afa talu ona oo le mataupu i le faamasinoga ma o loo ia teena foi le fasiotia o lana fanau.
Puna o Faamatalaga: https://www.1news.co.nz/2024/05/22/childrens-bodies-in-suitcases-year-long-trial-delay-confirmed
