O le Aso 28 o le masina nei o Fepuari ua faatulaga e suesue ai moliaga o le faalēmigao i le faamasinoga le Contempt of Court o loo molia ai lē sa avea ma Palemia ma isi e to’afitu.
O i latou ia e aofia ai le sui taitai o le Ituagai, o se faipule o le Ituagai, o se tamaitai Loia, o lē sa avea ma Loia Sili, o lē sa avea ma Fofoga Fetalai, o lē sa avea ma Failautusi o le Fono Aoao ma se alii faasalalau.
O le vaiaso nei na toe valaau ai le mataupu ae sa na’o loia a itu auai na faatagaina i taualumaga faapea le aufaigaluega a le faamasinoga ae tumau pea ona loka mau faitotoa o le potu faamasino i Tusitala ma le lautele o le atunuu.
O lea ua laumanu’ia i ni faamatalaga e le’i mafai ona faamaonia ona e le’o fia talanoa iai loia o loo aafia i le amtaupu lenei e faapea ua iai se manaoga o i latou le itu lea ua tuuaia ua ave nei i le itu na faauluina le tagi le vaega faaupufai a le FAST ina ia teuteu ma toe ave i tua moliaga.
Ua toe lua nei vaiso o loo lumanai ai nei o le a iloa ai lea tulaga pe a maea suesueina lea mataupu, o le a iloa ai pe e tatala noataga o loo tapu ai nei tusitala ona o laotu auai e molimauina ia taualumaga pe o le a tumau pea ona faasā
