Boil water

Faatonuina tagata nonofo I Caterton e faapuna muamua le suavai

Ua toe faatonuina I latou o nonofo I Carterton I Ueligitone e faapuna le suavai ona o le siama

O Carterton na muai faatonuina I le vaiaso talu ai e tusa ma le maua o le siama I le suavai ma na toe faaleaogaina lea faatonuga I le aoauli o le Aso Gafua o le vaiaso nei, peitai o le aoauli ananafi na toe sau ai lea faaaliga mai le pulega faaitumalo a Carterton

Ua faaoo atu foi le talosaga a le pulega o lea aai I le vaega o le soifua maloloina faapea inisinia o loo galulue I le ofisa o le vai mo le suesueina o le mafuaaga o le maua pea o le siama

E oo mai I le po anapo e le I iai ni ripoti o nisi ua gasegase mafua mai I le suavai

O lea faaaliga o loo faatumauina pea seia toe fofoga mai, ma ua fautuaina I latou o nonofo I lea vaega o le atunuu e valaau le Healthline pe afai ae iai nisi aafiaga tau soifua maloloina mafua mai I le le saogalemu o le suavai taumafa

Share on facebook
Share on twitter
Share on email
Share on whatsapp

LAUILOA

Keep uptodate with Radio Samoa activity & promotion

* indicates required