Faatonuina leoleo ia ave auupega, faifaitetele vesiga a kegi

Ua faatonuina leoleo I Canterbury ina ia tauave a latou auupega o fana ona o le popolega ile tulaga o vesiga a kegi I lea faaitu lea foi ua toe aliae.

O le faalua ai lea ona faatonuina leoleo I lea tulaga I totonu o le lua vaiaso. O loo taua I lipoti na maua ane le faatonuga I leoleo e faatatau I le faifaitetele o le tulaga ile va o le kegi a le Rebels, Mongrel Mob male Mongols MC.

Talitonuina o loo aofia sui o kegi I ni taugafana na faia I Kaiapoi I le aso 4 o Ianuari lea na faamanualia ai le atalii o le peresetene o le mongrel mob Aotearoa lea o loo taofia I le falemai.

Ole a faaauau pea ona faaaupegaina leoleo ao latou faatino suesuega e tusa ai o faamatalaga ua maua ane. Fai mai nisi lipoti ua iai nisi ua faia iai moliaga e tusa o nei faalavelave ile umia o auupega ae le o iai se tasi ua molia I le faamanualia ai o le o loo ile falemai.

O loo talitonuina o taugafana e iai se sootaga I fualaau faasaina ma o loo faaauau suesuega a leoleo

Keep uptodate with Radio Samoa activity & promotion

* indicates required