E ui ina tanumia masini decoders a le Sky TV, e tatau lava ona toe faafoi ma a lē faafoia o le a faasala.
O le faatonuga lea ua toe molimau ai nisi o tagata Hawke’s Bay na faaleagaina o latou fale i le afā o Gabriellle.
Na molimau i lipoti a le Newshub ona ua leai se fale, leai ni meaafale e aofia ai ma le TV o lea na taumafai ai loa nisi o aiga e faamuta lesitala poo subscription i le Sky TV, peitai o le tala ua sau e moomia pea le faafoi o le Sky Box decoder poo le totogi o le sala tupe e $260.00.
O nisi o molimau o masini nei e oo mai i le taimi nei o loo tanumia pea e palapala ma o lona uiga o le eliga palapala e fai e toe sue mai ai.
Ua fai mai ai le Consumer NZ ua o latou suesueina nei le faiga e le Sky TV o ana paaga ma o le mea sa’o ua lagona le faanoanoa ona o aiga nei o loo mafatia ona ua tele ina tafiesea e Gabrielle le tele o meatotino ma o loo toe tau faaolaola.
O ni suesuega ua toe fai mai ai ma le Sky TV, e le moomia le toe faafoi o le decoder pe afai ua faaleagaina e palapala poo lologa foi sa iai.
