O le aso e faamavae atu ai le vaega faaupufai a le National I ona sui a faipule lea ua leai nei ni a latou galuega.
I le maea ai o le faigafilifiliga a NZ, 15 faipule lea o le a faatofa mai.
Ese mai le faamavaega, ua folafola e le taitai ia Judith Collins I tala a le newshub, o le aso foi o le a fautuaina ai I latou o loo liki mai ai I tua I le au faasalalau faamatalaga faatatau I le lotoifale o le National
O nisi o ripoti ua atagia mai ai le leai o se faatuatuaga o nisi o le National I le taitaiga a Collins, ma ua salalau ai tala, mai nisi o sui o le National o loo iai nei, latou te ioeina le faatulai mai o le sui faipule o Botany lea faatoa manuia mai I le faigapalota lenei, Christopher Luxon e tulai mai e taitaia le National.
Ao tapena ai la Collins I le feiloaiga I le aso, ua ia saunoa, e le maua ai se malo mo le pati pe afai o le faiga lea.
O loo maualuga lava le faamoemoe o Collins nate taitaia pea le National mo le isi tolu tausaga.
