Ua toe faatoese faalauaitele le pule sili o le kamupani vaalele a le Ea Niu Sila, Greg Foran i pasese na tuai ona agai lo latou faigamalaga i Iapani ananafi ona o le faataliga o i latou.
Lua itula lea na tuai ai ona alu ese le faigamalaga a le Ea Niu Sila mai Brisbane i Ausetalia faamoemoe mo Iapani, ao faatali le taunuu atu o le aumalaga 52 a sui o le malo faapea faauluuluga o pisinisi lea na toe sue mulimuli se vaa e faaauau ai i Iapani ona ua faaletonu le vaa a le ami.
O se suiga faatatope ua ta’ua e le pule sili na toe faia lava i le afiafi o le Aso Sa ma taumafai e saili se vaalele alu agai i Iapani e faaauau ai.
E le o mafai ona faamautinoa mai e Foran pe fia atoa le tupe faaalu o fesuiaiga ua toe faia mulimuli nei ona o le faaletonu o le vaa na o muamua ai.
Puna o Faamatalaga: http://Air New Zealand boss to apologise to delayed passengers on Japan flight | RNZ News
