Ua faatoese mai le kamupani a le Jetstar ile faitau selau o ana pasese ia sa poloka ai i luga o se tasi o ana vaalele i Alice Springs mo le fitu itula. O le faigamalaga JQ30 sa iai i luga le 320 o pasese, na lele mai mai Bangkok i Melepone i le Aso Toonai ae toe faatonuina e agai i Alice Springs ina ua aafia se tasi o le pasese i le gasegase o le stroke.
Ina ua aveesea mai le pasese lea mai le vaalele i Alice Springs mo togafitiga na faailoa ane ai ua iai se faaletonu ile vaalele boeing 787 ma manaomia ai le toe suia i seisi vaalele.
Faatonuina le pasese e le mafai ona agai ese ma le vaalele ona o le malae vaalele lea e le o se malae vaalele faavaomalo ma poloka ai lava le pasese ii mo le fitu itula. Faatoa taunuu ane le pasese lea i Melepone i le tea o le 11 i le po anapo.
