Ua faatoese aloaia le faipule o le Labour, Ginny Andersen i ona uiga sauā poo le bully, na faaalia i se tasi o talavou na galue o se volunteer mo ia.

Ua sau ai i le mae’a faamaonia mai e le pati a le Labour i le vaiaso talu ai, ua suesueina nei le faaseā faasaga ia Andersen i le po na faia’ina ai i le faigapalota o lea sa ia otegiaina ma leotele i talavou sa galulue, faapea e lei lava fale na o iai.

E ese mai i lea e iai foi se tasi o tina na ee iai i luga o le telefoni ona e lei mafai ona volunteer ma le mafuaaga e o ma lona aiga e tafafao.

Mai le peresetene o le Labour, Jill Day ananafi o lea ua tusi faatoese Andersen ma ua faamalieina foi le faaseā.