Search
npf

Faatino se isi tufatufagā meaalofa a le NPF i le masina o Iuni 

O le masina o Iuni o loo iai le fuafuaga a le Faalapotopotoga o Faaputugatupe mo le Lumanai Manuia o Tagata le NPF e toe faatino ai le isi ana tufatufagā o meaalofa poo le Dividend mo le au fai saofaga. 

Ua faailoa lea tulaga e le tusi a le Ofisa Sili o le Pulega Faalapotopotoga a le Mālō le tōfā Pauli Prince Shuren ua tali ai i le Minisita o Tupe ma le NPF e faamalamalama ai vaega na fesiligia e le afioga Mulipola Anarosa Ale Molioo i le faaiuga a le Komiti Faafoe i le 5% o le faamanuiaga o le faamanatuina o le 50 tausaga o le faalapotopotoga.  

O loo faaalia e Pāuli i lana tusi tali e faatoa iloa le pasene o lea faamanuiaga lona lua pe a faaiuina galuega o le tausaga faaletupe o faagasolo. O le faamanuiaga ua faasafua i nisi o Faalapotopotoga Tumaoti ua faaalia e le Ofisa Sili i lea tusi o se taumafaiga ua aofia ai nisi o ia auaunaga o loo faia galuega fesoasoani ai i le lautele o tagata ma o loo faatupe mai e le fuafuaga faaletupe a le NPF poo lana tala o le tupe mo ana galuega fai. 

O le fesili a le Minisita pe aisea ua lē 8 pe 10% le faamanuiaga ua faaalia e Pāuli i lana tusi i le Minisita ia taatia atu le faatuatuaga o le Mālō i le Pulega ma le Komiti Faafoe ma ua faamalulu foi le Ofisa Sili o le Faalapotopotoga pe afai ua iai se vaega o le tapenaga ua lē tau ai le silasila a le Minisita. 

O le fesiligia pe e o gatasi le fuafuaga ua faatino ma auala o le tulafono ua faailoa e le Ofisa Sili i lana tusi o loo sosolo le fuafuaga i le faaiuga ua faia ma faiga tau tulafono o loo lima taitaiina ai le Faalapotopotoga o le NPF. 

Tala sili ona faitaulia

TALA FOU MAI SAMOA

SAMOA UPDATE

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required