E tasi mai le 10 o avetaavale e taofia ma faia iai su’esu’ega poo faaaogāina fualaau faasāina i Niu Sa Uelese, e faamaonia o loo faatino lea tulaga.
O le faai’uga lea o se su’esu’ega sa faatino e le NRMA i totonu o le 12 masina talu ai ma ua iloa ai ua siitia pea le aofa’i o avetaavale e aofia i lea mataupu ma ua valaau ai i faigamalo a setete i Ausetalia ina ia siitia foi ma le aofa’i o siaki faapea e faia i totonu o le tausaga.
Ua maua i su’esu’ega o le aveina o le taavale a o faaaogāina fualaau faasāina o le mafuaaga lona lua lea o le maliliu o tagata i luga o auala i NSW, e sili atu i le mafuaaga o le lē lavā, avetaavale ‘onā ma le lē faaaogāina o fusipa’u o taavale poo seatbelts.
Fai mai faamaumauga e to’a 79 tagata na maliliu i faalavelave e mafua mai i le faaaogā o fualaau faasāina ma ave taavale i totonu o le 2023 aga’i mai i le 2024, o le tele o ia faalavelave e faamaonia ane e aafia avetaavale i le faaaogāina o laau faasāina o le mariuana faapea foi fualaau faasāina o le ‘aisa ma le cocaine.
Puna o Faamatalaga: https://www.9news.com.au/national/nrma-one-in-10-drivers-had-illicit-drugs-in-system/57398f6a-a4d5-41e0-9240-811f54b204e8
