Search

Faate’i e le Maroons le Blues i le uluai fetauiga 

E foliga ua faate’ia le to’atele o le 80 afe o le aumaimoa a Niu Sa Uelese na iai i le po anapo i le malae taalo i Sini i le tulaga na iai le i’uga o le uluai fetauiga a setete e lua i le State of Origin muamua o lenei tausaga, ua sola ai le Maroons ma le malo i ‘ai e 16-10.  

Taaloga mata’ina i le po anapo na to’atele na manatu ai o le a toe faaauau le malo a le Blues poo le ‘au a Niu Sa Uelese peitai e tulaga ese le taumafai a le ‘au a Kuiniselani i lalo o le ta’ita’iga a le alii faiaoga o Billy Slater, na faamauina ina ua mae’a le taimi faatulagaina o le taaloga.  

O le alii o Cameron Munster o le Maroons na mauaina le faailoga o le tama taalo aupito lelei o le taaloga ma ua talafeagai tonu i le manatu o le to’atele ona o le tulaga ese foi o gaioiga a Munster i le taimi atoa o le taaloga.  

O le isi itu na maitauina o le maualuga o le tulaga na iai le taumafai a nisi o alii talavou faato’ā taaalo lea i le State of Origin mai le ‘au a le Maroons. Ua iai lipoti i le asō ua ta’ua ai le fesiligia e le faiaoga o le Blues, Brad Fittler o nisi o faai’uga na faia e le laufali na faia le taaloga Ashleigh Klein, peitai fai mai nisi o tagata tapuai a le Blues, faagalo ia mea ae taulai i le taaloga lona lua o le a toe fetaui ai foi ‘au e lua i Perth i le aso 26 o Iuni. 

Tala sili ona faitaulia

TALA FOU MAI SAMOA

SAMOA UPDATE

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required