O loo faagasolo lenei faamoemoe tāua e faalauiloa le sao a le Pasefika i mataupu tau tamaitai i Melepone Ausetalia.
O lenei mafutaga e fuafuaina ma faatinoina o faalapotopotoga faaitulagi o mataupu ma aoaoga i tamaitai aemaise ai o le tapenaina o se au usufono mo le fonotaga tele faapenei i Kigali Aferika i le masina fou.
O le sui a le faalapotopotoga a le Brown Girl Woke, Doris Tulifau o se tasi o sui na saunoa i lenei faamoemoe.
“Sa ou faasoa i lenei faatalanoaga e faailo a tatou tupulaga talavou, o le vaega lea e ao ona faatāua ma tuu ai le avanoa auā o latou o le lumanai o nuu ma atunuu.
“E ao ina latou iloa ma malamalama i gaioiga e faatino, e ao ina aoaoina lelei i latou ina ia o latou iloa taiala aemaise ai ia sili atu lo latou ola fiafia nai lo matou vaitaimi.”
O vaega lava e faatāua i lenei faamoemoe o le auai, fefaasoaa’i manatu aemaise ai o faiga faapaaga i faalapotopotoga taitasi i le Pasefika.
Comments
Loading comments…