O le vaiaso nei o loo faagasolo ai se a’oa’oga poo le workshop mo le a’oa’oina lea o faia’oga e avea ma tagata malamalama i mataupu tau sauaga poo teachers as trainers on Gender based/domestic violence.
O vaega autū o lenei a’oa’oga e aofia ai
- Ia malamalama faia’oga i siosiomaga o loo ola a’e ai fanau a’oga pe e saogalemu pe o loo ola a’e i se aiga e tele ai sauaga
- Ia iai le agavaa e mafai ai ona faasoa ma fanau a’oga ma faailoa vaega e tatau ona nofouta ai le tamaititi mo lona saogalemu
O le afioga i le Minisita o A’oga Taaloga ma Aganuu, Seuula Ioane na saunoa i le saunoaga autū e tatala aloa’ia ai lenei a’oa’oga ma na ia ta’ua o le galuega a faia’oga e tāua tele ma e lē tatau ona faagalogalo e faia’oga ni mataupu faapea e tula’i mai i fanau auā o le latou tiute ina ia puipui fanau pe a ulufale i totonu o potu a’oga ma talatalanoa iai pe afai e vaaia ni tulaga faaletonu o le tamaititi a’oga.
O le siitia pea o le tula’i mai o soo se sauaga e lē gata i totonu o aiga faapea nuu ma Ekalesia. O le faamoemoe o lenei a’oa’oga ina ia iai se sao o faia’oga e Puipuia ai fanau mai le soona tutupu mai o nei sauaga.
Na faafetaia ai foi e le Minisita le lagolago faaauau a le UN ma le EU i mataupu nei o le tafiesea o sauaga i le atunuu.
O le amataga o le vaiaso e faatautaia ai le a’oa’oga i Upolu mo faia’oga ma le aufaigaluega atoa, ona faaauau lea i le motu tele i le Aso Tofi ma le Aso Faraile.
