I le fitu ai lenei o tausaga talu mai le 2016 na sainia ai e Samoa le feagaiga e faatāua ai aiātatau o tagata e iai o latou aafiaga tumau, ua tele polokalame ua faia e le Malo e fesootai atu i le faatāua o ia tagata o le tatou atunuu, e pei ona ave ai pea le faatāua i le aso faamanatu faavaomalo mo ē iai manaoga ma aafiaga tumau o le tino ma le mafaufau.
O le Aso Sa muamua o lenei masina o Tesema sa faia ai se sauniga lotu e faamanatu ai lea aso tāua, ae o le amataga o lenei vaiaso sa faatino ai le polokalame faamanatu a le Malo.
Le afioga i le tamaitai Minisita o Tina ma Tamaitai Atinae o Afioaga o Agafesootai, i se vaega o lana saunoaga i le amatalia ai o polokalame o le aso faavaomalo mo tagata e iai o latou aafiaga tumau.
