Search
Photo Credit: Stuff NZ

Faatau se isi vaalele fou a le Ea Niu Sila e ola i le maa alu i le uila

Ua folafola mai e le kamupani vaalele a le Ea Niu Sila le faatauina o se tasi o ana uluai vaalele e faaaogā ai le maa eletise, battery powered electric plane, o le ituaiga mai Amerika o le Beta’s Alia Ctol.

O le vaalele lea o le a faaopoopo atu i vaalele a le kamupani i le 2026 ma e na o uta e mafai ona feaveai ai ma galulue faatasi ai i se faiga faapaaga ma le NZ Post.

Fai mai le televise tasi o le vaalele lea o le Alia na faia se faataitaiga ma lele ai i le silia ma le 480km i lana malaga lea ma ua faailoa foi i se saunoaga a se sooupu a le kamupani vaalele, o le vaalele o le a faaaogā mo faigamalaga e oo atu le mamao i le pe ā ma le 150km.

E mafai ona ofi ai tagata e toalima ma le pailate e pei ona faailoa i le upega tafailagi a le kamupani sa fausia le vaalele. 

Fai mai o loo galue nei le Ea Niu Sila i feutanaiga ma malaevaalele e faamautu ai le alavaa o le a muai uia e le vaalele ae molimau le Ofisa Sili o le Ea Niu Sila, Greg Foran o le faatauina mai o lea vaalele ua faasimā ai ma le faamoemoega o le kamupani ia faaaogā vaalele e faaitiitia ai le kasa oona e sao atu i le siosiomaga i totonu o Niu Sila.

Ta’ua foi e Foran e tele le galuega e ao ina fai ma ua na o sina laasaga lea agai i le lumanai ma o le a faatoa faaaogā aloaia nei vaalele pe a mae’a pasia faataitaiga e ao ona faia aemaise asiasiga a le Civil Aviation.

Tala sili ona faitaulia

SAMOA UPDATE

TALA FOU MAI SAMOA

Keep uptodate with Radio Samoa activity & promotion

* indicates required