Ua ufitia nei se aiga i le ao pogisa, ona o le motusia faafuase’i o le mafutaga a se ulugalii ma se la tama teine ua 2 masina le matua, ona o se faaletonu i le malosi o fualaau ma vailaau na taulimaina mai le faletalavai.
I lipoti mai le leitio faavaomalo a Niu Sila, na lipotia ai o le ‘alu’alutoto ua fano lona ola e igoa ia Bellamere, na vave ona fanau i le na o le 31 o masina o le ma’itō o lona tinā.
A o iai i le falema’i sa faatino lava galuega masani, ma i le tuuina mai o fualaau ma vailaau mo le pepe, na mata’itūina e foma’i tulaga ma faafitauli e ono aafia ai Belle pe a fafaga i le vailaau ma fualaau o le Vitamini D, ae o le fualaau e ta’ua o le phosphate na avatu e aumai ai le talavai.
O le faaletonu, na tula’i mai ina ua sesē le malosi o le fualaau, ua faamauina ua ave e sui o le faletalavai le fualaau o lona malosi ua fua aga’i i le tagata matua – 500 milikalama ae ua malosi tele mo se tamaitiiti.
Ta’ua o le afiafi o le aso muamua na faainu ai le vailaau a sia ‘alu’alutoto na tupu ai loa le mala, e faamatala o le afiafi lava lea na koma ma lē manava ai loa Bella, na avatu faatopetope i le falema’i, ae na maliu Bella i nai aso mulimuli ane i le falema’i.
Faamauina o le talavai na faatino i Manawatū, ma ona o le faaletonu a le faletalavai o lea ua aga’i mātua o Bella, ina ia faatino ni iloiloga i itu tau i le tulafono ina ia mautinoa le mata’itūina le faatino lelei ai e faletalavai o siaki i le malosi o fualaau ma vailaau a tagata.
Ua tuuina atu faamaisega a le faletalavai mo le aiga ma ua faamaonia le faatino ai o su’esu’ega i lea matāupu.
Puna o Faamatalaga: https://www.rnz.co.nz/news/national/568174/awful-error-two-month-old-dies-following-overdose-after-pharmacy-allegedly-gives-medication-at-wrong-dosage