Ole aso o loo talia ai seisi lipoti lata mai mai leoleo e uiga I le faalavelave na maliu ai se tamaitai I le faaiuga o le vaiaso ile itu I saute o Sini ma manunua ai ni tamaiti se toalua.
O loo taua mai I lipoti lata mai a le ala ata 7 a Ausetalia ole faalavelave e aofia ai ni taavale se lua I le M1 I Figtree e lata I Woolongong ile po o le aso faraile. Fai mai o le taavale o le ituaiga o le Nissan Juke ma le taavale lanu moana ole Holden Statesman
Ole avetaavale o leisi taavale e 47 tausaga le matua lea ua maliu, o le pasese a le taavale lea o se tamaitai 15 tausaga na auina atu I le falemai I Westmead mo togafitiga.
O tamaiti e toalua o tama uma e 5 ma le 10 tausaga le matutua na auina atu I le falemai I Woolongong mo togafitiga ae e lei faamanualia le avetaavale o leisi taavale faatasi ai ma lana pasese o se alii e 32 tausaga.
O loo faagasolo suesuega a leoleo ile mafuaaga o le faalavelave.
