E le o toe mamao se taimi ona toe talia lea o tulisi i laufanua o Ausetalia,o se faamatalaga lea mai le palemia o le atunuu, Scott Morrison. O se feiloaiga ma tusitala ile vaiaso nei ua faailoa ai e Morrison e le o toe mamao ese se taimi e faia ai se faaiuga e toe tatala ai tuaoi mo asiasi mai ile atunuu.
Fai mai Morrison atonu ua silafia e tagata ua maea ona tatala le avanoa mo tagata e iai tomai I galuega, backpackers ma tamaiti aoga ma ua tau masina nei talu ona faia lea faaiuga ma ua Iloilo nei le tatala atili o tuaoi o Ausetalia I tagata asiasi mai faavaomalo, international visitors.
Taua e Morrison o le itu taua o loo suesueina pe o le a se aafiaga o lea gaioiga ile auaunaga tau falemai ile atunuu.Saunoa foi le minisita o loo feagai ma mataupu ia, Karen Andrews, o se tasi lenei o mataupu ua ave iai le faamuamua.
O le aso a taeao e fono ai le Federal Government’s National security committee e faatalanoa le mataupu lea ma faafofogaina le lipoti aupito lata mai mai le soifua maloloina. Fai mai le premier e mananao e toe amatalia faigamalaga faavaomalo , e le gata mo le fesoasoani ile tamaoaiga o le atunuu ae le gata I lea o le fesoasoani ai ile tau sailia o tagata faigaluega.
