Ina pepese Aleluia ua fanau le tupu! Ua lata mai le aso e faamanatu ai le fanau mai o Iesu, lo tatou Alii Faaola. Le pepe o le Kerisimasi. Amata nei loa le taumafaiga, e faagata i le aso 20 o Tesema. O le a faia le se’i i le aso lava lena i le 10 i le taeao. (faitau manino aiaiga)

Faatali pea suesuega o le maliu o lē na sulu atu i Middlemore ma toe foi ona o le pisi

Ua fesiligia nei poo ai le pulega o loo tagofia suesuega o le maliu o le gasegase lea na toe alu i tua ma Middlemore ona o le tumu, mulimuli ai toe foi atu ma e le’i leva ae maliu.

O le maliu lenei na lipotia mai i le masina talu ai, ma faia mai ai suesuega pe na faafefea ona toe alu ese lē ua maliu e ui o lea na sulu atu i le falemai i se tulaga tigaina.

Mai le taimi na amata ai suesuega o lea sa i lalo o le vaaiga a le Manukau District Health Board le falemai a Middlemore, peitai o lea ua suia agai i le Health NZ i le Aso Faraile o le vaiaso talu ai ma ua lē iloa ai nei poo le ā le tulaga ua oo iai suesuega.

O le lipoti a le leitio a Niu Sila o loo ta’ua ai le fesiligia o lē sa taitaifono i le pulega e tusa ma le tulaga ua oo iai suesuega, peitai e le’i tele se tali na tuuina mai pau o lea ua i lalo o le pulega fou lenei mataupu.

A o faatali ai pea suesuega, na pau faamatalaga ua maua mai i le taimi nei o lē ua maliu na ia asia Middlemore i le taimi o loo matuai pisi ai le falemai, ma o lea foi na umi le taimi faatalitali e vaai ai se fomai.

Ae mai nisi o fomai o loo latou finauina sa tatau lava ona ave le faamuamua i lē ua maliu aemaise o le tiga o le ulu o se āuga e le tatau ona faatamala ai.