E le I maua e le tele o faletalavai a latou sapalai mo rapid antigen tests
O tests nei o loo ofo fua mai mo tagata e mafai ona faia ai siaki o le Koviti ae e le I feoai mo tafaoga o lenei Kerisimasi ma le tausaga fou, ma na fuafua e amata avanoa mai le aso ao tatala ai tuaoi o Aukilani
E oo mai I le taeao ananafi e tusa ma le 600 faletalavai I soo se vaega o Niu Sila ua maea lesitala latou te sapalaiina, ma e oo mai I le taeao nei ua 250,000 tests ua faasoa atu I tua I faletalavai
Peitai e iai nisi o faletalavai e tusa ma tala a le TV1, e le I maua lava
O nisi ua tuai ona lesitala ma o le mafuaaga lea ua le maua ai
Ese mai I le faatuai ona taunuu o couriers o loo momoli atu ai oka, o nisi e le I mafai ona faia aoga mo le system o loo faaaogaina ai e upload faaiuga o tests nei
O le faaiuga o le vaiaso talu ai na faagata ai avanoa mo faletalavai o loo mafai ona faia ai tests ese ai le isi 150 lea faatoa faaopoopo ananafi, ma e 2 miliona le oka o antigen tests lea na taunuu mai fafo I le amataga o le masina mo nei siaki faamoemoe e faaauau pea ona maua fua seia oo I le faaiuga o Ianuari o le tausaga fou
