E leai se faaiuga a le malo ua faia faasaga ia Steve Maharey ma o lea ua toe tuuaia ai.
O Maharey o le faatonu o le Pharmac ma le ACC, o ia foi sa avea ma minisita o le Labour i tausaga ua alu ma o lea foi ua ia solia aiaiga o loo faafaigaluega ai ona o ni ana lafoga tau polokiki e ono fesiligia ai le lē lualuagia o ona manatu mai faiga faapolokiki.
O le mataupu lava foi faapenei lea na tuli ai Rob Campbell i le vaiaso talu ai, peitai o le leai o se faaiuga ua faia ia Maharey ua fai mai ai Campbell i tala a le Newshub, ona o Maharey e lelei latou faigauo ma nisi o minisita.
Saunoa le taitai o le National, Christopher Luxon e tatau ona tutusa le faiga o Maharey ma Campbell ma o lona uiga o le tuli, ma atonu o le eseesega ona e mafana faigauo a Maharey ma le Palemia Chris Hipkins.
Ae na ta’ua e le minisita o le soifua maloloina Dr Ayesha Verrall lea na ia muamua tulia Campbell i le vaiaso talu ai, ua uma ona faatoese atu Maharey ma faailoa foi lona lagona salamo ma o lea foi na faamavae atu ae na ia teena.
O se tali ua fai mai ai Campbell o lea foi na ia faia, peitai e lei taliaina.
