I le toe amata ai i lenei vaiaso o galuega masani o le tagofia o mataupu tau faamasinoga mo lenei tausaga fou, o se tasi o laasaga taua o loo nofo faatali iai le faamasinoga, o le fuafuaga a le malo e toe tuu faatasia le faamasinoga o Fanua ma Suafa i se pulega e tasi ma le faamasinoga o soligatulafono e pei ona sa iai muamua.
O le sauniga lotu faapitoa e talosia ai galuega o lenei tausaga a le faamasinoga, na saunoa ai le Faamasino Sili le afioga, Satiu Simativa Perese, ma ia faailoa lea tulaga.
Na ia faailoa ai foi le fuafuaga e filifilia nisi faamasino mo le faamasinoga faaitumalo, o le faamasinoga o fanua ma suafa, ma le faamasinoga maualuga.
Se vaega o le saunoaga a le afioga i le Faamasino sili, afioga Satiu Simativa Perese i le sauniga lotu e talosia ai galuega ua amatalia a le faamasinoga mo lenei tausaga fou.
