E silia ma le miliona avetaavale i Niu Sa Uelese e iai le avanoa e ono aveese ai demerit points mai laisene pe afai e tausi lelei ma mulimulitai i le tulafono o le alatele.
I lalo o lea faiga fou o le one year demerit point scheme o le a mafai ai e le avetaavale ona aveese le point poo se togi mai lona laisene pe afai e ausia lelei le aso 17 o Ianuari e lei toe solia le tulafono o le alatele.
Fai mai le faigamalo a le setete o le faiga lea ua fai ina ia unaia ai avetaavale ia faasaogalemu feoaiga ma le faafoeina o taavale i luga o le auala.
O le masani e tolu tausaga e faatali ai faatoa mafai ona tapē ese pe aveesea demerit points a avetaavale peitai o le faiga fou la lea ua faataitaia nei e manatu le faigamalo o le a fesoasoani lea i le faaitiitia o demerit points ma faaitiitia mai ai soifua ma’umau i luga o alatetele.
