Ua toe faataatia le talosaga mo le sui tauva i le palota laititi a Falealupo le susuga Fuiono Tenina Crichton lea na tuuina atu i le Ofisa o le Komisi o Faigapalota e toe silasila i nisi o tagata palota o le itumalo i le mau e le’i resitalaina o latou suafa matai i le nuu ae e le’o alala foi i le itumalo.

Ua faailoa e le Loia na tuuina atu lea talosaga i se ripoti e tele isi tapenaga a le sui tauva mo le

palota laititi ma ua lē lava foi le taimi e sailiili ai talosaga ma ua finagalo malie ai Fuiono e taatia mo lenei taimi ae mafai ona toe faaauau le finauina o le mataupu pe a maea palota laiti o loo loma.

O le vaiaso nei lea na faagasolo ai le galuega  le Ofisa o Faigapalota e resitala tagata palota ua aulia le 21 tausaga agai i luga ma liliu foi tagata palota i lea itumalo. O se galuega ua faia foi mo le itumalo Safata No.2 faapea le itumalo faapalota o Sagaga No.4.

O loo tālia pea le lisi aloaia o suafa o i latou o le a tank le i le palota laititi mo itumalo e 7 o loo avanoa o latou nofoa i le Palemene ma o le vaiaso fou o le a amata ai ona tatala le avanoa e resitala ai loa suafa o i latou ia o le a tauva mo le faigapalota laititi i le Aso 26 o Novema 2021.