Ua filifilia nei se tamaitai Samoa Maori e fai ma sui o le Asosi Tenisi a le Oseania (Oceania) i se taamilosaga tele mo le vaega laiti i le masina fou.
O le tamaitai o Mahinarangi Warren 14 tausaga le matua ma o le a malaga atu i Florida Amerika e tauva i le taamilosaga ua faaigoaina o le Junior Orange Bowl International Tennis Championships faatautaia lea i le Aso 12-21 Tesema.
O Mahina ua faatulaga mai i le tulaga 1 i le Pasefika Oseania mo tamaitai 14 tausaga agai lalo ma o loo faatulaga mai i le numera 2 i totonu o Niu Sila i lea lava vaega. Na amata taalo lenei tamaitai ua 6 tausaga lea sa tolegi ai e nisi o faiaoga lelei i Samoa e pei o Yvonne Carruthers ma lana tama teine Ia Steffi Carruthers.
O lenei tamaitai o se alo e faasino i le afioga i le tamaitai Faamasino o le Faamasinoga Sili iaTafaoimalo Leilani Tuala Warren ma le Alii Loia Maori i le Faamasinoga o Fanua le susuga ia Aidan Warren.
O Mahina na aoaoina i le aoga a Vaiala Beach School i Samoa ma o loo aumau nei o ia i Waikato i Niu Sila ma fai ai ana tapenaga mo le taamilosaga tele.
