Ua faalauiloa mai nei le amata faasolo ai o taaloga i totonu o Manurewa.
I se faalauiloa mai sui o le ASA Foundation, o loo faailoa ai o nei polokalame o se vaega o le polokalame ua ta’ua o le Rewa Sports Development e pei ona faafoeina e le faalapotopotoga a le ASA Foundation.
I le tuuina mai o lea faalauiloa, o loo tatala le avanoa mo Ekalesia, mafutaga ma autaalo o loo i itumalo – (local government) i tuaoi e pei o Papakura, Otara & Papatoetoe, faapea Mangere & Otahuhu o le to’atele o o latou sui e alala i totonu o le itumalo o Manurewa Local Board.
O le autū ma le faamoemoe o le Rewa Sports Development, ia avea taaloga ma se tasi o auala e maopoopo ai le atina’e o le itumalo o Manurewa Local Board.
Ua faailo foi ‘au kilikiti a alii ua mautū mo le taamilosaga a le Auckland Anniversary (Aso Gafua 26 Ianuari 2026).
Taamilosaga a Kalapu (‘au a alii):
1. Tama o le Maatele
2. Tama o le Vaalele
3. Strong Tower (Team 1)
4. Strong Tower (Team 2)
5. Loto Taumafai
6. Happy Boys (Team 1)
7. Mountfort Boys
8. Baabaas
Taamilosaga a Community (‘au a alii):
1. EFKS Weymouth
2. Tupulaga Autalavou (Meko)
3. Happy Boys (Team 2)
4. EFKS Ranui
O le naunauta’iga o nei fā’agatama, ia mafai ona faamasani ekalesia, mafutaga a Samoa o loo alala ma papaaao i Manurewa.
O loo aofia ai ma taaloga o le Volipolo i nei faamoemoega.
E mafai ona asiasi ane i le ASA Foundation mo faamatalaga e tusa ai ma ia fuafuaga uma.
