O le susuga Pelenato o se faifeau sa faatonuina e le faamasinoga e auai i polokalame faufautua a le faalapotopotoga o le Toomaga mo ē Puapuagatia, ua na faailoa le tāua tele ia te ia o lea polokalame ua fesoasoani malosi ai i sona vaivaiga na mafua ai ona tula’i i le faamasinoga.

I le lipoti a le upega vaai a le Toomaga o loo faailoa ai e Pelenato o lona faatasi atu i le polokalame ua lagona ai lona loto maualalo, auā ua faasoa ane ai nisi o faifeau o loo faia le a’oa’oga faufautua mo tagata ua oo i le faamasinoga ona o solitulafono e mafua mai i le ita.

E valu vaiaso o le polokalame na auai Pastor Pelenato ma ua malamalama ai foi i le tāua o ana aiātatau na te maua ai lea a’oa’oga e fesoasoani i le vaivai o le tagata.

O le feau ua momoli mai e le faifeau, e iai taimi e vaivai ma sasi ai le faifeau aemaise i totonu o le aiga ae o se faamanuiaga lona auai ma faafofoga, faasoa foi ma nisi o faifeau o loo faia le polokalame.

O le puipuia lelei o aiātatau a tagata soifua uma o le sini lea o le a’oa’oga sa faufautua ai i le susuga Pelenato ma nisi o tagata sa auai i le galuega faufautua a le Toomaga ona o solitulafono sa mafua ai ona oo i luma o le faamasinoga.