Search

Faasoa Faumuina Toaletai David Tua i le Mens Health

O le masina lenei o loo faatāua ai ituaiga gasegase o loo maua ai le itupa o alii aemaise lava ia i latou o loo aafia i le tulaga i le mafaufau. 

Ae o le auaunaga ma le tautua a le South Sea Health Care na latou valaauliaina le afioga ia Faumuina Toaletai David Tua e avea ma lauga autu o le polokalame a le South Sea Health Care lea sa faataunuuina i le po o le Aso Faraile ua mavae 24 o Novema i le latou ofisa i Otara. 

Na auai nisi o susuga i faafeagaiga faapea ma le ‘au taitoafitu a le Manu Samoa ma lana pulega ma le faiaoga le afioga ia Muliagatele Brian Lima. 

E tolu vaega na autu iai le faasoa i lea afiafi, o le tulaga i le mafaufau, tino ma le agaga. 

Na tomua le saunoaga a Faumuina David Tua i le amataga o lona olaga mai Samoa a o lei malaga mai i Niu Sila nei. 

O lona tamā e ese ma le saua ia i latou, aemaise lava ia e sasa e lona tamā ma ave faafusu i faipelega pe a fai. 

Ae na oo mai loa i Niu Sila ma faaauau ai lana taleni ona ia iloa ai lea, ai o le mea lea sa naunau ai lona tamā e alu e fusu ona ai e lelei mo ia. 

Sa iu lava ina oo i le lu’iina o le fusi o le lalolagi ma atili faamautu ai lava i lona mafaufau le moemitiga sa iai le manaoga a lona tamā ia alu e fusu. 

O isi vaega tāua o le faasoa a Toaletai David Tua, ia e talitonu i le mea ua e mafaufau iai. 

O le fusu na o le tasi le tagata e lē pei o isi taaloga e toatele tagata e iai. 

O le fusu ia lelei le mafaufau lelei le tino ma ia toaga e tatalo ia maua ai le onosai i taaloga. 

Ia paleni mea uma i le tagata taalo ma soo se tagata lava aemaise lava i le itupa o alii. 

O lana lea faamalosi ia lelei ou lima e te galue ai mo lou aiga, ia faamalosi lou mafaufau ia e puipui ai lou aiga. 

O le feau tāua momoli foi lea sa faalogologo iai le faiaoga a le taitoafitu a le Manu Samoa ma lana ‘au faapea le pulega a o faasauni atu ai i isi vae amata o le taitoafitu o le lalolagi. 

E pei ona ta’ua e le afioga ia Muliagatele Brian Lima le manaia o le tufa ma le faasoa a Toaletai David Tua, e fai ma luitau ma tapenaga mo latou. 

Aua e ese foi le mafaufau o le tagata lakapi ese foi le faasoa a le tagata fusu, ae o le sootaga lelei o nei mea uma o le lelei o le mafaufau, lelei le tino ma ia toaga e tatalo i le itu faaleagaga ia maua ai isi mafaufauga ma manatu lelei e faatino ai se mea. 

Ma ia e talitonu i le mea ua e mafaufau e fai. 

Tala sili ona faitaulia

SAMOA UPDATE

TALA FOU MAI SAMOA

Tapunia lala a le ASB 

E 5 lala o le faletupe a le ASB o lea ua tapunia.  O lala i Mangere Bridge i Aukilani, Milford, Wellsford, Waiuku ma Willis

Toaono na pue e leoleo ona o tapaa

E toaono alii mai Vitoria lea ua feta’ua’ina le molia i le asō ona o le taumafai e aumai faasolitulafono sikaleti ma tapaa e miliona

Keep uptodate with Radio Samoa activity & promotion

* indicates required