Search
Search
Photo Credit: Government of Samoa

Faasilasila e le Faletupe Tutotonu o Samoa ana Tupe Pepa fou Polemeta

Ua faailoa e le faletupe tutotonu i le vaiaso nei suiga fou faaonapo nei ua iai ana tupe pepa $5, $10, ma le $20 tālā lea ua lē toe lolomiina i le pepa tuai manifinifi i ae ua faaaogā le pepa polemeta anagata.

Ua faaalia ai e le faletupe tutotonu ua faamauina ai le tāua o lea foi atinae i faiga tau tupe a le atunuu.

O tupe pepa polemeta nei o le a tuuina atu i le faataamilosaga o tupe i ni vaega ua fuafuaina.

O le a amatalia ona tuuina atu e le Faletupe Tutotonu le tupe pepa polemeta $5 i le Aso Gafua, 18 o Tesema 2023 ina ia tali atu i le maualuga o le moomia o lea tupe i taimi o aso fiafia o le Kerisimasi.

O le tupe pepa polemeta $10 ma le $20 tālā ua fuafua e faamatuu atu i le kuata muamua o le tausaga fou 2024.

O le a faataamilo faatasi lava tupe pepa $5, $10 ma le $20 tālā o loo iai nei i le taimi e faagasolo ai suiga ia tatou tupe pepa fou polemeta anagata.

I le faai’u manuia ai o le tuuina atu o le tupe pepa faamanatu polemeta $10 i le 2019, na faalautele atu ai e le Faletupe Tutotonu lea faiga faatekonolosi i le tupe pepa $5 ma le $20 tālā mo le uluai taimi.

Sa faaalia i le tupe pepa $10 le tulaga malosi, umi ona lelei ma faatumauina le maualuga o lona anagata pe a faatusa atu i le pepa sa fausia ai muamua le $10.

Ua mamanuina tupe pepa polemeta ina ia umi lona aogā, mamā ma lelei ma faatumauina ai le tulaga anagata, e atagia ai le naunautaiga o le Faletupe Tutotonu o Samoa i le tulaga malosi ma matagofie o ana tupe pepa.

Tala sili ona faitaulia

TALA FOU MAI SAMOA

SAMOA UPDATE

PODCAST

Listen on

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required