Faaseā nisi o le atunuu i auaunaga tau telefoni 

Ua faitio nisi o le atunuu i le saoasaoa tele o le faaaogaina o latou data poo le internet o loo faatau mai i auaunaga tau telefoni tumaoti ma ua manatu ai nisi o i latou pe ua faaaoga e ia pisinisi tau fesootaiga le tapunia atoa o le atunuu ona o puipuiga o le faama’i e avanoa ai ona faatelevave le sailiga o a latou tupe maua ma faotaga ai ni tupe polōfiti poo tupe faasili. 

Taua e se tasi o Tinā na faatau lana pepa valuvalu e maua ai fesootaiga televavave i se tasi o kamupani telefoni, o aiaiga o pepa valuvalu poo le credit card na ia faatau e mo le 7 aso peitai e le’i atoa se aso talu ona faaaoga ae logo atu o ia ua toe 50% o loo totoe e maua ai lana fesootaiga i le initaneti.  

O le ā lē faailoaina le kamupani ona e le’i manuia taumafaiga mo se faamatalaga i le mafuaaga, ae o le afiafi o le Aso Tofi na faailoa ai se faasalalauga  mai le Ofisa o le Pule Faatonu poo le Regulator lea o loo iai malosiaga faaletulafono e faatulaga ai le totogi o ia auaunaga ma ua faailoa ai nei ma se numera o fesootaiga e faaaoga fua e leai se totogi e le atunuu e faaoo atu ai i le Pule Faatonu a latou faaseā.  

E tolu vaega ua faailoa mai e le Pule Faatonu le afioga Lematua Gisa Fuatai Purcell i se pepa o faamatalaga e faavae ai se faaseā. O le tulaga lea o le lē lelei o le auaunaga poo le service, tulaga o le totogi o auaunaga ma tulaga o le faasopolia o se auaunaga poo le coverage. E faasino lava ia vaega i le tautua o fesootaiga le eletise, faasalalauga ma le auaunaga tau falemeli. 

Faaalia e le Pule Faatonu o ona malosiaga faaletulafono o loo aiaia faaletulafono e faatonutonu ai fesootaiga o faasalalauga, o auaunaga tau eletise ma le falemeli ua faavae ai lana faaiuga  e tuuina atu loa i le atunuu se numera tau fesootaiga latou te faaaogaina e aunoa ma se totogi e faaoo atu ai a latou faaseā  

Ioe Michael Crawford i ona moliaga

Ua ioeina e se alii mai Aukilani i Saute lona moliaga o le auai i se soligatulafono na o atu ai I se taavale ma tafana atu i fale o ni aiga i totonu o le lima aso O le

Scroll to Top

Keep uptodate with Radio Samoa activity & promotion

* indicates required