Na mafai ona faasaoina uma mai le pasese e toa 22 e aofia ai ma tamaiti mai se vaa na mu i Port Philip Bay i Melepone i le taaeo analeila.
Ua lipotia e le 9News e silia ma le 12 tamaiti aoga na i luga o le vaa lea na sasao ane ai le afi a o iai i le faaitu o Queencliff i le ‘afa o le 8 i le taeao.
O le toa 22 o le pasese e aofia ai tamaiti ma faiaoga ma sa aveeseina atu i latou i se isi vaa na agai ane e fesoasoani ma o loo saogalemu uma.
E talitonu leoleo e foliga o le afi o le vaa lea na mu ma ua mae’a tapēina ma toso atu i le pa’umātū mo suesuega.
E lē o ta’ua maia i le lipoti poo se malaga a se aoga lea e iai faiaoga ma tamaiti aoga sa i luga o le vaa ae o loo faia nei le suesuega.
