Photo - Samoa Global News

Faasalalau le faatau ese o le kamupani TVDigital

O le tausaga e 2018 na amata tapenapena ai le Malo e faatū se auaunaga e suia iai auala o faasalalauga tau televise a’o faaaogā le vaega o fesootaiga e ta’ua o le analogue i le faamoemoe e suia i le fesootaiga sili ona lelei o le digital.

O le tausaga e 2020 na titina ai le analogue ae amata loa ona alu faasalalauga a Televise i le digital ma sa mafai ona taunuu lea fuafuaga ina ua faatu se kamupani e umia e nisi o le aufaipisinisi i le atunuu e faagaioia le Samoa Digital Communications. I le 3 tausaga talu ona faagaioia ma pulea e lea kamupani lea ituaiga o fesootaiga mo faletelevise o loo totogiina lea auaunaga, ae o lea ua faasalalau nei le toe faatau ese o le kamupani.

O le amataina o le tautua a le kamupani na tulai mai ai se feteenaiga ma pulega o faletelevise e fitu i le atunuu ona o le maualuga o le totogi na faatulaga e le ofisa o le pule faatonu e totogi ai e faletelevise le faaaogāina o le auaunaga a lea kamupani, ma na teuteu le feteenaiga ma toe pa’ū teisi ai i lalo le totogi. O le tausaga ua mavae na toe iloilo ai le totogi o le faaaogāina o le digital e faletelevise ma siitia ai le totogi mo na’o faletelevise e 3 o loo faagaioia faapisinisi ae tumau pea le totogi maualalo mo isi faletelevise uma e aofia ai televise mo polokalame faalelotu.

E lē o faailoaina e le pulega o le Samoa Digital Communications mafuaaga o le faatau ese o le kamupani o loo umia e le Bluebird Lumber le tele o ona sea. O le taitaifono o le kamupani o le afioga Tuiaopo Faamausili Andrew Ah Liki. 

Ioe Michael Crawford i ona moliaga

Ua ioeina e se alii mai Aukilani i Saute lona moliaga o le auai i se soligatulafono na o atu ai I se taavale ma tafana atu i fale o ni aiga i totonu o le lima aso O le

Scroll to Top

Keep uptodate with Radio Samoa activity & promotion

* indicates required