Silia ma le $70,000 tala lea ua faasala ai e le faamasinoga housing developers e lua I Aukilani, poo e fuafua ma fausia fale I luga o fanua ma toe faatau atu.
O le Imperial Norwest ua faasala nei I le $30,000 tala, ma le Imperial Garden I le $44,000 tala, ona ua le usitaia tuutuuga ma aiaiga na tuuina atu e le Auckland Council
O le maliega e le tatau ona sili atu ma le $636,000 tala le tau e faatauina atu ai fale I tagata faatoa faatau ni o latou fale motu, peitai o lea ua sili atu le tau na faatauina atu ai I le maketi
Ua maea toe totogiina atu e nei kamupani le latalata I le $400,000 afe tala I tagata faatau fale na aafia, e tusa ma poloaiga mai le Auckland Council
I le ioeina ai la e nei kamupani o le sese ua o laua faia, ua sau ai ma le fautuaga I housing developers o loo faia lenei amio o le a mataitu pea e le council, ma o le 2 tausaga talu ai na faaulu ai le uluai faitioga faatatau I lenei mataupu
O se tasi lenei o poloketi na amata mai e le pati a le National I tausaga ua mavae, Special Housing Areas e fausia ai fale e gafatia e tagata o fia maua ni o latou fale faatau mo le uluai taimi.
