Covid Vaccine

Faasala tupe se tasi e le’i maea uma tui puipui e lua mo le afioaga o Tuanai

E $500 tala le tino i tupe ua autasi iai Alii ma Faipule o le afioaga o Tuanai e faasala ai soo se tasi e tetee i le faia o le tui puipui. 

O se faaiuga na autasi ai faipule o le afioaga i se fonotaga na faia i le vaiaso na te nei. Taua e le matai taua o le afioaga ia Fa’alaeo Opeta i el Samoa Global o le faamoemoe ina ia fautuaina tagata o le afioaga e fai o latou tui puipui mo le saogalemu mai le faama’i oti o le koviti19.

Taua foi e Faalaeo o le unai ina ia le gata e puipui mai tagata o le afioaga ae o se lagolago foi lea ie galuega fitā a le Matagaluega o le Soifua Maloloina. O tulai mai lenei faaiuga ina ua ripotia e le Matagluega e oo atu i le to’a 14,000 i latou e lei agai atu e afai o latou tui puipui lona lua o le AstraZeneca lea ua fai si umi o faatali pea talu ona maea le tui muamua.

Taua foi e le sui o le afioaga o Tuanai o loo lelei le tali atu o le Nuu i le faia o tui puipui ma o le faaiuga i le Aso Gafua o le vaiaso na tea nei ina ia faamautinoa ai le maea uma o tui puipui a le afioaga atoa ma o lea tulafono a le nuu e na’o i latou o loo agavaa e fai tui puipui e lē aofia ai i latou o loo gasegase ma e le mafai ona fai tui ona o ma’i o le tino.

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required