Ua faasala e le faamasinoga le faletua o le faifeau na ia fautua e aunoa ma se laisene e faataga ai e le Immigration toe pepelo faamaumauga na faaaogā. 

O Sesilia Sua ua faamaonia e le faamasinoga faaitumalo I Aukilani moliaga e pei ona ta’ua, ma ua faasala ai e galue i le komiuniti mo le 200 itula ma nofo vaavaaia mo le 12 masina. 

Ae e le’i molia Sesilia o lea na lapatai I le 2017 e le pulega o faufautua a le vaega o femalagaiga peitai na te le’i usitaia ma faaauau pea ona toe fai. 

Mai le lesitala o le faufautua a le Immigration, Duncan Connor o le toatele o tagata aafia o tagata na feiloai ma le faletua i le lotu atoa ai ma tagata e tauala atu i ana uo poo aiga foi. 

O Sesilia o loo umia lona visa nofomau i Niu Sila ma e iai talosaga na ia faailoa ai lona tagata o ia o se tasi o aiga o lē ana le talosaga ma e iai foi faamaumauga e lagolago ai talosaga e le’i sa’o na fai. 

E le o māmā i le Immigration le solitulafono a Sesilia na faia ona e le gata o le faaaogā o lona tulaga i le komiuniti ae o le aafia ai o tagata fai mai i Niu Sila e le o iai ni visa. 

Ua faamanatu le pulega o loo maua uma online le lisi o tagata o loo iai laisene e avea ai o ni faufautua a le Immigration.