schools
Photo by - Ministry of Education Samoa

Faasafua tupe faameaalofa a le malo mo aoga i le atunuu 

O loo ua galulue faatasi nei le Matagaluega o Aoga Taaloga ma Aganuu ma le Matagaluega o Tupe ina ia faataunuuina le sainia o maliega e ala i meaalofa a le malo (One Government Grant) mo aoga i le atunuu amata atu i le asō, Aso Lua 26 Aperila 2022. 

E pei ona silafia sa iai le faamaoemoe e faia faalauiloa saini maliega ile vaiaso muamua o Aperila o le tausaga nei peitai talu ai ona o vavao ole Koviti-19 sa le mafai ai ona faataunuu lea fuafuaga. 

I le maea ai ole fonotaga ale Kapeneta ile Aso 9 o Mati 2022 na faaiugafonoina ma faamaonia ai le faamatuuina atu o le tinoitupe e tusa lona faitau aofai ma le $17.7 miliona tala e tauala atu i vaega tupe mo Aoga uma i Samoa. 

O lenei tupe faameaalofa a le Malo e agavaa iai Aoga a le Malo, Aoga Tumaoti ma Ekalesia, ma o le a fesoasoani lea i aoga ina ia maua alaga’oa mo le aoao atu ma le aoaoina o fanau a’oga. E lima vaega o le aufaigaluega o le a galulue mo lenei galuega, o le a iia le to’a 2 mo Savaii ae to’a tolu 3 mo Upolu.

E 342 le aofaiga o Aoga o le a faamanuiaina i lenei seleni e aofia ai le: 

126 – Aoga Amata (ECE) 

171 – Aoga Tulagalua (Primary Schools) 

38 – Kolisi Maualuluga (Colleges) 

4 – Aoga Matata Eseese (TVET) 

3 – Aoga Faapitoa (Special Schools) 

O loo aofia ai i lenei tinoitupe se foai mo fanau ile laumua o Toomaga mo e Puapuagatia (SVS) faapea le faapotopotoga mo aoga Amata (NCECE). 

Scroll to Top

Keep uptodate with Radio Samoa activity & promotion

* indicates required