Faasafua atu I le Pasefika tui puipui o le Koviti a Niu Sila

O loo sau ai ma le igoa o Samoa I atunuu o loo I le li’o o le atu Polenisia e mafai ona oo atu iai le fesoasoani o tui puipui o le Koviti a Niu Sila

O le aso ananafi na faalauiloa mai ai e le tamaitai palemia, Jacinda Ardern e lua isi tui puipui faaopoopo I tui ua maea okaina, o lona uiga ua oo atu ai nei I le 15 miliona tui puipui

O se aofaiga ua lava ma totoe mo tagata Niu Sila faapea ai ma le Pasefika

O maliega fou na faalauiloa ananafi lea e sau ai le 7.6 miliona tui mai se tasi o kamupani gaosi vailaau I Peretania, AstraZeneca ma le 10.72 miliona mai le Novavax i Amerika, ma ua talia ai I le maea faamautu o le isi oka mai le Pfizer lea e sau mai ai le 1.5 miliona tui puipui

Toe faamanatu foi Jacinda, o tagata faigaluega o loo feagai ma I latou mai fafo aofia ai ma o latou aiga, o I latou nei o loo maualuga le ono lamatia o le soifua ma o le ave iai le faamuamua pe a taunuu mai tui puipui

Ae I le faasafua ai I tuaoi o Niu Sila, ua taua e le minisita o le va I fafo I se pepa o faamatalaga faapea ma lona sui ia Aupito William Sio, ua tapena Niu Sila e aapa atu e le gata o atunuu faapaaga masani a Niu Sila lea e iai Tokelau, Niue ma le Atu Kuki, ae faapea tuaoi Polenisia e iai Toga, Tuvalu ma Samoa pe a tusa ai ma ioega mai a latou faigamalo $75 miliona le vaegatupe mai le Official Development Assistance ua faaagaga e fesoasoani ai I tui puipui mo le Pasefika e pei ona faamaonia e le minisita o le va I fafo, Nanaia Mahuta

Keep uptodate with Radio Samoa activity & promotion

* indicates required