Fesiligia e tagata Kalaiesetete mea faapāpā poo fireworks a le Council na fai a o lea e matuai faasā ona fai ni afi.

Na o nai aso talu ona aloaia le sā e lē mafai ai ona fai ni afi, o le tele o mu o loo tulai mai i Kalaiesetete, ae fai mea faapāpā a le Council, le Sparks in the Park.

O le po lava foi lea e tasi na amata sasao ane ai le afi i Kirwee lea e tolu aso o ola pea.

Ae mai tagata Kalaiesetete ua fesiligia pe aisea ua faataga ai la le Council ae faasā tagata lautele.

Tali a le Council, o ana faapāpā o lea lava na galulue ma le ofisa o le tineimu ma aumai foi le latou faatagana e faia ai.