O le amepasa o Amerika i Farani o Charles Kushner ua lē o toe mafai nei ona fesoota’i sa’o i minisita o le faigāmalo a Farani ina ua ia lē auai atu i le samania mai le Minisita o le Va i Fafo a Farani o Jean Noel Barrot.
Ta’ua e le CNN o Kushner sa samania ane ona o faamatalaga sa ia faia e faatatau i le maliu o se tasi o sui o upufai o le malo o Farani i le amataga o le masina, peita’i e le’i auai ane le alii amepasa i lea valaau.
O le pepa o faamatalaga mai le ofisa o le va i fafo a Farani ua ta’ua ai le faai’uga lea ua lē mafai ai ona toe fesoota’i sa’o Kushner i sui o le faigāmalo a Farani ae o loo faataga pea ona faaauau le faia o ona tiute.
O le tagata na maliu o Quentin Deranque na maliu ona o manu’aga i lona ulu mai se vevesi na aofia ai i le aso 12 o Fepuari ma ua afua ai faamatalaga mai le faigāmalo a Trump e faapea ua maliu lea tagata ona o sauāga a le Left Wing.
Ua iai tagata ua molia i lea matāupu ma e to’a 11 ua pu’eina i lea faalavelave.
Puna o Faamatalaga: https://edition.cnn.com/2026/02/22/europe/france-bans-us-ambassador-deranque-death-latam-intl
