I le toavalu o tamaitai talavou ma lalelei sa faia iai le sailiga poo ai o le a avea ma Tausala o Samoa mo le isi 12 masina, i le tuanai o le 3 tausaga o tauave pea le pale e le Tausala o Samoa mai Niu Sila ona o tulaga sa saisaitia ai feoaiga ma galuega masani ona o puipuiga o atunuu i le faamai, o lea ua faapaleina nei le Tausala Samoa mai le aai tele o Melepone i Ausetalia e avea ma Tausala o le atunuu.
O le tamaitai o Haylani Mataupu Kuruppu o lona tuaa tama o se tagatanuu o Sri Lanka, ae o lona tuaa tina o le Samoa ma ua 24 tausaga o lona soifua.
Sa maua se avanoa e faatalanoa ai le Faatonu o le Miss Samoa Melbourne Incorporated le susuga Pulotu Canada Alofa McCarthy e tusa o le tapenaga ua ae malo ai faiva o le latou tausala mai Melepone.
Se faatalanoaga ma le Faatonu o le Tausala Samoa mai Melepone Ausetalia le susuga Pulotu Canada Alofa McCarthy.
