O loo alu pea i luga le fuainumera o tagata maliliu i Los Angeles ona o le mu tele.

E 16 le fuainumera e oo mai i le taimi e tuufaatasia ai tala fou ua iai, ma i lipoti mai Amerika e ono faaauau ai pea ona faatupula’ia.

Advertisement

E oo mai i le taeao nei o loo sosolo pea le afi lenei, ma o le to’atele foi lea o tagata ua aveesea faamalosi mai o latou fale.

A o galulue ai pea le tineimu e taumafai e taofiofi ma tineia le afi, o loo faia foi le pitolaau a malu o le malo e sa’ili tino maliliu o tagata.

E oo mai i le faai’uga o le vaiaso ua silia ma le 12,000 fale ma meatotino ua faaleagaina i le afi, ma o meatotino ma fale nei e lē gata o  fale o aiga, pisinisi ae faapea taavale.

E lē o mautinoa lava foi i le taimi nei le mafua’aga na amata ai le mu, ma i le tau faatusatusa o mea ua faaleagaina faapea ai ma le aafiaga o le tamaoaiga o Amerika ona o le mu, ua iai nei i le va o le $135 piliona ma le $150 piliona.

Puna o Faamatalaga: Death toll from LA wildfires rises to 16, strong winds forecast