Search
Covid Samoa

Faaopoopo pea tagata i Samoa ua maua i le siama o le koviti 

E ui e faapea ua tatala le tele o noataga o puipuiga o le faama’i Koviti-19 i Samoa, ma ua saoloto le feoa’i o tagata ma ua lē toe tapulaa le numera o tagata i potopotoga ma faatasiga tetele, ae o le lipoti lata mai o le fitu aso ua tuanai amata mai i le aso 13 i le aso 19 o Ie masina lenei o Iuni, ua molimauina le faaopoopo pea o le numera o tagata i le atunuu o loo aafia i le siama o le faama’i Koviti-19.

Ua oo atu nei le aofa’iga atoa o ē ua maua i le faama’i talu mai ia aso e fitu, i le 14,772 ina ua faaopoopo iai le aofa’iga o gasegase fou e 273. O le aofa’iga lea o gasegase fou ua aofia ai ma tagata malaga e to’alua, o lona uiga e 275 gasegase fou mai tagata lautele o le atunuu. O loo tumau pea le aofa’iga o soifua ua fano ona o āuga e fesoota’i i le Koviti-19 i le 28.

O lea aofa’iga o tagata maliliu ua faailoa ai i faamaumauga a le soifua mālōlōina e to’a sefuluvalu (18) alii ae to’a sefulu (10) tamaitai. O le auiliiliina o ia faamaumauga mo ē ua maliliu e ta’itasi alii ua fano soifua mai le matutua o le 35 i le 39, 45, 49, 50 i le 54, 55 i le 59 tausaga o le soifua, 60 i le 64 ma le 80 i le 84 tausaga o le matua.

E to’alua alii ua maliliu i le faamai i le matutua o le 65 i le 69, 85 i le 89 ae to’aono i le matutua o le 70 i le 74. I le itupa o tamaitai e to’atolu ua maliliu i le matutua o le soifua mai le 55 i le 59, 60 i le 64, ma le 80 i le 84. E to’afā tina matutua mai le matutua o le 85 i le 89 ae to’atolu i le matutua o le soifua o le 90 ma luga atu. 

Tala sili ona faitaulia

TALA FOU MAI SAMOA

SAMOA UPDATE

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required